ترضى أحد يفتش في جوالك ..!! وليــش

[بنت ابو متعب]

ترضى أحد يفتش في جوالك ! وليــش ؟ ::
الجوال ( مستودع الأسرار )!!



أصبح الجوال جزء لايتجزاء من حياتنا اليوميه مانطلع إلا بالجوال ومانقعد ولا ننام إلا مع الجوال

غير عن أهميته المعروفه إنه جهاز إتصال

صار يحوي أشياء كثيره منها الرسائل والوسائط النغمات والشعارات و و و ...!!

الجوال مثل السكرتير

اللي يذكرنا بالمواعيد والساعات
والتقويم اللي دايم مانحط فيه التواريخ المهمه :إمتحانات ، مستشفى ، إجازة ..:


الملاحظ إن فئه عمريه معينه من سن الـ 18 إلى 25 أو 30 سنه

يرفضون أي شخص يمد يده ويمسك جواله

ودايماََ مايقولون

( لحد يلعب في جوالي ) !!



هالجمله البسيطه تحوي معاني كثيره (ممكن تفسرونها )

ليش مانرضى أحد يفتش أو :يلعب: في الجوال



هل هو الحرص عليه !!


ولا من زوود المحبه !!


ولا فيه شي خطير ماودك حد يشوفه أبد !!

هل لهالدرجه جوالك خطير ماتخلي حد يقرا رسائلك

ويشوف قائمة الأسماء اللي بجوالك

ولا يسمع النغمات اللي منزلها ولا يشوف كم فيديو إستعراض

ولا فيديو كليب<<وهذا اللي مادري ليش يحطونه!!



الأسئله كثيره والتساؤلات أكثر حول هالموضوع....
((موضوع للنقاش))
ياليت الكل يقول رايـه

[شمعة الدموع]

المسألة هي تدخل بالخصوصية , والجوال من المقتنيات الشخصيه

حتى لو إن مافيه أسرار المسأله تدخل بالذوق العام

[زهرة العاطفة]

أمي دوم اتقول أنتي ما مال تلفونات لوووووووووول كل يوم منساي بمكان ...

المهم حتى لو قلنا هالجملة فنشوف بالتلفون صور ورصيد مخلص ورصيد مضاف يعني ماشي فايدة فيهم لووووووووول


بس ما احب حد يشوف المسجات ......... بس ما اعرف يشوفها ولا لا

وربي يعطيج ألف عافية أختي ... تقبلي مروري ...وبس

[مفارق الأحباب]

انا تلفوني لو حد من الأهل يبي يشوفه عااادي اعطيه واخليه يبحر فيه ^_^

لكن لو حد ثاني ما اعطيه .. اصلا مب من الذوق أي احد يقولك عطني تلفونك بشوفه ..

هذا رائي ...

تسلمين أختي على الموضوع ...

واللهـ يعطيج العااافية ...

دمتي بخير ...

[قطريه وكلي فخر]

امممم
انا عندي عادي
خلهم يجفون جوالي مب حاطه في شي ^_^

[إحســ قلب ــاس]

الي يبا يشوفه من برع ما عندي مانع هع بس من الداخل لا

كل واحد وخصوصياته

[ضحكة ملاك]

مشكوره حبوبه ع الطرح

ما يقدرون يفجون تلفوني لاني محطيه رمز الحمايه واذا يبون شي افجه لهم عادي